సంక్రాంతికి వస్తున్నాంలో వెంకటేష్ సరసన ఐశ్వర్య రాజేష్, మీనాక్షి చౌదరిలు హీరోయిన్లుగా నటించగా.. వీకే నరేష్, వీటీవీ గణేష్, మురళీధర్ గౌడ్, సాయికుమార్ తదితరులు కీలకపాత్రలు పోషించారు. నటీనటుల రెమ్యునరేషన్‌, ప్రమోషనల్ ఖర్చులతో కలిపి ఈ సినిమాను దాదాపు 80 కోట్ల రూపాయల బడ్జెట్‌తో శ్రీ వెంకటేశ్వర క్రియేషన్స్ బ్యానర్‌పై ప్రముఖ నిర్మాత దిల్‌రాజు నిర్మించారు.
విక్టరీ వెంకటేష్, అనిల్ రావిపూడి కాంబినేషన్‌లో ఈ సంక్రాంతికి కానుకగా జనవరి 14న విడుదలైన సంక్రాంతికి వస్తున్నాం సినిమా భారీ వసూళ్ల దిశగా దూసుకెళ్తోంది. తొలి వారంలోనే ఏకంగా రూ. 200 కోట్లకు పైగా వసూళ్లను సాధించిన వెంకటేష్ .. నలుగురు అగ్ర కథానాయకుల్లో చిరంజీవి తర్వాత రూ.200 కోట్లు అంతకంటే ఎక్కువ వసూళ్లు సాధించిన హీరోగా నిలిచారు. ఈ నేపథ్యంలో 10వ రోజు సంక్రాంతికి వస్తున్నాం ఎన్ని కోట్ల వసూళ్లు రాబట్టిందో చూస్తే :
తొలి రోజే భారీ ఓపెనింగ్స్ సాధించిన వెంకటేష్.. మూడు రోజుల్లోనే బ్రేక్ ఈవెన్ టార్గెట్ అందుకుని , నేటి వరకు అదే జోరును కొనసాగిస్తున్నాడు. ఇప్పటికే తెలుగు రాష్ట్రాల్లో 94.45 కోట్ల షేర్‌ని రాబట్టిన సంక్రాంతికి వస్తున్నాం చిత్రం.. తాజాగా నాన్ బాహుబలి ఇండస్ట్రీ హిట్‌గా నిలిచిన గ్లోబల్ స్టార్ రాంచరణ్ నటించిన రంగస్థలం లైఫ్ టైంలో తెలుగునాట రాబట్టిన రూ.95.27 కోట్ల షేర్‌ను దాటేసింది . ఈ క్రమంలో మెగాస్టార్ చిరంజీవి నటించిన సైరా నర్సింహారెడ్డి వసూలు చేసిన రూ. 106.4 కోట్ల షేర్‌ని బద్ధలు కొట్టే దిశగా అడుగులు వేస్తోంది.
Leave feedback about this