టైప్ 5 డయాబెటిస్.. యువతకు దడ పుట్టిస్తుందిగా!

డయాబెటిస్.. ఇప్పుడు సమాజంలో సగానికి ఎక్కువమంది బాధపడుతున్న దీర్ఘకాలిక వ్యాధి. డయాబెటిస్ బారిన పడినవారు చాలా జాగ్రత్తగా ఉండాలి. నిర్లక్ష్యంగా ఉంటే డయాబెటిస్ మన ఆర్గాన్స్ ను పాడుచేస్తుంది. అనేక అనారోగ్య సమస్యలకు కారణమవుతుంది. అయితే ఈ డయాబెటిస్ టైప్ 1 డయాబెటిస్, టైప్ 2 డయాబెటిస్ అనే రెండు రకాలు ఉంటుందని ఇప్పటివరకు అందరికీ తెలుసు. అయితే ప్రస్తుతం టైప్ 5 డయాబెటిస్ ఆందోళన కలిగిస్తుంది.ముఖ్యంగా టీనేజర్లను, యువతను టార్గెట్ చేసి ఈ టైప్ 5 డయాబెటిస్ వేధిస్తుంది అని తాజాగా ఇంటర్నేషనల్ డయాబెటిస్ ఫెడరేషన్ దీనిని ధ్రువీకరించింది. థాయిలాండ్ రాజధాని అయిన బ్యాంకాక్ లో ఏప్రిల్ 7వ తేదీ నుంచి ఏప్రిల్ 10వ తేదీ వరకు నిర్వహించిన వరల్డ్ డయాబెటిస్ కాంగ్రెస్ లో ఈ టైప్ 5 డయాబెటిస్ గురించి అధికారికంగా ప్రకటించడం జరిగింది.ముఖ్యంగా ఆసియా, ఆఫ్రికా దేశాలకు చెందినవారు ఈ టైప్ ఫైవ్ డయాబెటిస్ బారిన పడుతున్నారని డయాబెటాలజిస్ట్ లు ఆందోళన వ్యక్తం చేస్తున్నారు. ప్రపంచవ్యాప్తంగా ఇప్పటివరకు దాదాపు 2.5 కోట్ల మందికి ఈ టైప్ 5 డయాబెటిస్ వచ్చిందని ఒక అంచనా. ఇది పోషకాహార లోపంతో వస్తుందని చిన్న వయసులో సరైన పోషకాహారం లేని వారు బలహీనంగా ఉండేవారు టైప్ 5 డయాబెటిస్ బారిన పడుతున్నారని చెప్పారు.టైప్ ఫైవ్ డయాబెటిస్ ఉన్నవారిలో ఇన్సులిన్ చాలా తక్కువగా ఉత్పత్తి అవుతుందని, వీరికి ఇన్సులిన్ ఇంజక్షన్లు ఇవ్వాల్సిన అవసరం లేదని పేర్కొన్నారు. అయినప్పటికీ ఈ డయాబెటిస్ ను కంట్రోల్ చేయడానికి మెడిసిన్స్ కంపల్సరీ వాడాలని పేర్కొన్నారు. అయితే టైప్ 2 డయాబెటిస్ బాధితుల మాదిరిగా వీరి శరీరం ప్రతిస్పందించదు.ముఖ్యంగా యువత, టీనేజర్లు పోషకాహార లోపం లేకుండా చూసుకుంటే టైప్ 5 డయాబెటిస్ బారిన పడకుండా ఉంటారని సూచిస్తున్నారు. ఈ కొత్త రకం డయాబెటిస్ పైన అధ్యయనం చేయడానికి ఒక ప్రత్యేక వర్కింగ్ గ్రూప్ ని కూడా ఏర్పాటు చేసినట్లు చెబుతున్నారు. ఏది ఏమైనప్పటికీ ముఖ్యంగా యువత ఆందోళనకు కారణమవుతున్న టైప్ ఫైవ్ డయాబెటిస్ విషయంలో జాగ్రత్తగా ఉండాల్సిన అవసరం ఉంది.