పండ్లలో రారాజు మామిడి. దాన్ని చూస్తే నోరు ఊరకుండా ఎవరికీ ఉండదు. అటువంటి పండును తినాలంటే వేసవికాలం వరకు ఎదురుచూడాలి. ఏడాది మొత్తం దొరక్కుండా కేవలం ఎండాకాలంలోనే దొరికే ఈ పండ్లను తినేందుకు ప్రజలు ఎంతో ఆసక్తి చూపిస్తారు. అయితే మధుమేహం ఉన్నవారు మాత్రం ఈ పండుకు చాలావరకు దూరంగా ఉంటారు. ఎందుకంటే ఇందులో షుగర్ శాతం ఎక్కువగా ఉంటుందని భయపడుతుంటారు. అయితే మామిడి పండును ఇలా తింటే షుగర్ లెవల్స్ పెరగకుండా చూసుకోవచ్చు.
తక్కువ మొత్తంలో తినండి…ఒకేసారి ఎక్కువ మొత్తంలో తినకుండా, కొద్ది మొత్తంలో తినడానికి ప్రయత్నించండి. ఒక చిన్న మామిడి పండు లేదా ఒక కప్పు తరిగిన మామిడి ముక్కలు సరిపోతాయి.
తక్కువ పండిన మామిడి కాయను ఎంచుకోండి… బాగా పండిన మామిడికాయలో చక్కెర శాతం ఎక్కువగా ఉంటుంది. కాబట్టి, కొంచెం తక్కువగా పండిన లేదా మధ్యస్థంగా పండిన మామిడికాయను ఎంచుకోవడం మంచిది. భోజనంతో కలిపి తినండి: మామిడికాయను ఒంటరిగా తినే బదులు, భోజనంతో పాటు లేదా భోజనం తర్వాత తినడం వల్ల రక్తంలో చక్కెర స్థాయిలు నెమ్మదిగా పెరుగుతాయి. ఫైబర్, ప్రోటీన్లతో కలిపి తీసుకోండి… మామిడికాయలో ఫైబర్, ప్రోటీన్ అధికంగా ఉండే ఆహారాలను కలపడం వల్ల చక్కెర విడుదల నెమ్మదిస్తుంది. ఉదాహరణకు, మామిడికాయ ముక్కలను పెరుగు లేదా చియా గింజలతో లేదంటే డ్రైఫ్రూట్స్ తో కలిపి తినవచ్చు.
మామిడికాయ తిన్న తర్వాత మీ రక్తంలో చక్కెర స్థాయిలను క్రమం తప్పకుండా తనిఖీ చేయడం వల్ల అది మీ శరీరంపై ఎలా ప్రభావం చూపుతుందో తెలుసుకోవచ్చు. ఒకవేళ ఏదైనా మార్పు కనపడితే వైద్యుడిని సంప్రదించండి. మీ ఆహారంలో ఏదైనా మార్పులు చేసే ముందు, ముఖ్యంగా మీకు డయాబెటిస్ ఉంటే, మీ వైద్యుడిని లేదా డైటీషియన్‌ను సంప్రదించడం చాలా ముఖ్యం. మామిడికాయలో సహజ చక్కెరే ఉంటుంది. కాబట్టి మితంగా కూడా తీసుకోవచ్చు. ఎటువంటి ఇబ్బంది ఉండదు.
Leave feedback about this