త్వరలో సీయూఈటీ యూజీ 2025 షెడ్యూల్‌.. ఈ ఏడాది పరీక్ష విధానంలో కీలక మార్పులు?

CUET UG 2025 Exam Updates: నేషనల్ టెస్టింగ్ ఏజెన్సీ (NTA) CUET UG 2025 కోసం దరఖాస్తు ఫారమ్‌లను త్వరలో విడుదల చేయనుంది. నోటిఫికేషన్‌, షెడ్యూల్‌ విడుదలైన తర్వాత ఆసక్తిగల అభ్యర్థులు అధికారిక వెబ్‌సైట్ ద్వారా దరఖాస్తు చేసుకోవచ్చు. అండర్ గ్రాడ్యుయేట్ కోర్సులలో ప్రవేశానికి CUET UG 2025 పరీక్ష నిర్వహించనున్నారు. సీయూఈటీ యూజీ 2025 దరఖాస్తు ఫారమ్‌ను విడుదల చేయడానికి ముందు.. యూనివర్సిటీ గ్రాంట్స్ కమిషన్ (UGC) ఏర్పాటు చేసిన నిపుణుల ప్యానెల్ అండర్ గ్రాడ్యుయేట్ కోర్సుల కోసం కామన్ యూనివర్సిటీ ప్రవేశ పరీక్ష (CUET UG) 2025లో గణనీయమైన మార్పులు చేయాలని సూచించింది.