మనందరం సాధారణంగా గేదె పాలనే ఎక్కువగా తీసుకుంటుంటాం. అందరూ వాటికే ప్రాధాన్యతనివ్వడంతోపాటు రైతులు కూడా పాడి పరిశ్రమ కింద గేదెలనే పెంచుతుంటారు. అయితే గేదె పాలతోపాటు ఆవు పాలలోను అనేక పోషకాలుంటాయి. ఆవు పాలు, గేదె పాలు.. రెండూ మంచివేనని పోషకాహార నిపుణులు చెబుతున్నారు. అయితే మనం వ్యక్తిగతంగా ఎంచుకునే ప్రాధాన్యతను బట్టి ఆధారపడివుంటుందంటున్నారు. ఈ రెండింటి పాల మధ్య ఉన్న తేడాను ఒకసారి తెలుసుకుందాం.
గేదె పాలు: ఆవు పాలకంటే ఎక్కువ కొవ్వును కలిగి ఉంటాయి. అందుకే ఇవి చిక్కగా ఉండటంతోపాటు ఎక్కువ కేలరీలను కలిగి ఉంటాయి.
ఆవు పాలు: తక్కువ కొవ్వును కలిగి ఉండటంతోపాటు తేలికగా ఉంటాయి. బరువు తగ్గాలనుకునే వారికి ఇది మంచి ఎంపిక.
