మారుతున్న కాలానుగుణంగా వాతావరణం కూడా మారుతోంది. దీంతో ఈరోజుల్లో ఎక్కువగా ప్రతి ఒక్కరూ ఎదుర్కొంటున్న ప్రాబ్లం జుట్టు రాలడం. హెయిర్ ఫాల్ సమస్యకి చెక్ పెట్టడానికి మన జుట్టు ఆరోగ్యంగా, అందంగా కనిపించేలా ఉండడానికి హెయిర్ కేర్ పాటించడం చాలా ముఖ్యం. ఈ క్రమంలోనే జుట్టును ఆరోగ్యంగా ఉంచుకోవడానికి మనకు అందుబాటులో ఉండే వస్తువుల తోనే.. నిపుణులు కొన్ని చిట్కాలు సూచిస్తున్నారు.
అంతే కాకుండా జుట్టు రాలే సమస్యకు పెద్దగా డబ్బు ఖర్చు చేయవలసిన అవసరం లేకుండా.. ఆహారపు అలవాట్లతో కూడా చెక్ పెట్టడానికి కొన్ని టిప్స్ సూచిస్తున్నారు. ఆహారంలో క్రమం తప్పకుండా ఈ ఫ్రూట్స్ తింటే జుట్టు రాలడం , బట్టతల సమస్యను అధిగమించవచ్చు అని చెబుతున్నారు. అవేంటో మీకోసం ప్రత్యేకంగా…
హెయిర్ ఫాల్ తగ్గించడానికి, జుట్టు ధృడంగా ఉండడానికి ఉపయోగపడే ఫ్రూట్స్.. ఆపిల్.. రోజుకు ఒక ఆపిల్ తింటే వైద్యుడిని దూరంగా ఉండవచ్చు అనే మాట అందరికీ తెలిసిందే. ఆపిల్ తినడం వల్ల వచ్చే జుట్టు మరింత బలంగా మారుతుందని.. హెయిర్ ఫాల్ తగ్గుతుందని అంటున్నారు.
బొప్పాయి.. జుట్టు పెరుగుదలకు ముఖ్యమైన కొల్లాజెన్ బొప్పాయిలో పుష్కలంగా లభిస్తుంది. అలానే బొప్పాయిలో ఉండే అమైనో ఆమ్లాలు , విటమిన్ సి జుట్టుకు చాలా ప్రయోజనకరంగా ఉంటాయని సూచిస్తున్నారు. జామ..విటమిన్ సి ఎక్కువగా ఉండే జామ పండ్లు తినడం వల్ల జుట్టు బలంగా పెరుగుతుంది. అంతే కాకుండా ఇది జుట్టు రాలడాన్ని నివారించడంలో, కొత్త జుట్టు పెరుగుదలను ప్రోత్సహించడంలో ఇది చాలాముఖ్య పాత్ర పోషిస్తుందని చెబుతున్నారు.
నారింజ.. నారింజలో ఉండే విటమిన్ సి, యాంటీ ఆక్సిడెంట్ లక్షణాలు ఫ్రీ రాడికల్స్‌తో పోరాడటానికి సహాయపడతాయి. అంతే కాకుండా జుట్టు రాలే సమస్యను తగ్గిస్తాయని అంటున్నారు. విటమిన్ బి12, విటమిన్ ఇ కూడా ఎంతో ప్రయోజనకరంగా ఉంటాయని అంటున్నారు. కివీ.. కివీలో విటమిన్ సి, ఎ, కె, ఇ, లుటిన్, యాంటీ ఆక్సిడెంట్లు, జింక్, మెగ్నీషియం , భాస్వరం రక్త ప్రసరణను మెరుగుపరిచి జుట్టును బలంగా, మందంగా, అందంగా మారుస్తాయి.
అంతే కాకుండా మనకు అందుబాటులో ఉండే వస్తువుల తోనే.. నిపుణులు కొన్ని చిట్కాలు సూచిస్తున్నారు. రక్త ప్రసరణను పెంచడానికి, జుట్టు కుదుళ్లకు పోషణ అందించడానికి, కొబ్బరి నూనెతో వారానికి ఒకసారి తలకు మసాజ్ చేయడం ముఖ్యమని సూచిస్తున్నారు. వేసవి కాలంలో జోజోబా ఆయిల్, చలికాలంలో ఆలివ్ ఆయిల్ జుట్టుకు అనుకూలంగా ఉంటాయని చెబుతున్నారు. ఇలా చేస్తే జుట్టు రాలే సమస్య తగ్గుతుందని వివరిస్తున్నారు.
